سفیر پاکستان سویڈن کی ڈیموں کی تعمیرکیلئے مالی امدادکی اپیل

پاکستان میں آبی ذخائر کی تعمیر کے لیے سپریم کورٹ کے احکامات کی روشنی میں حکومت پاکستان کی ہدایات کے مطابق بیرون ملک مقیم پاکستانیوں سے اپیل کی گئی ہے کہ وہ قومی تعمیر کے عظیم منصوبہ میں بھر پور حصہ لیں۔ اس سلسلہ میں سویڈن میں سفیر پاکستان جناب احمد حسین ڈائیو نے اس بارے میں خصوصی بات چیت کرتے ہوئے انہوں نے کہا کہ پاکستان میں پانی کا مسئلہ اب ہماری بقا کا مسئلہ بن چکا ہے اور اس کے بغیر ملک ترقی نہیں کرسکتا۔ آبی ذخائر تعمیر کئے بغیر  زرعی شعبہ کی ترقی ممکن نہیں جس پر ملک کی معیشت اور خوراک کا دارومدار ہے۔ آبی ذخائر  کی تعمیر سے ہی بجلی کی پیداوار میں اضافہ ہو گا جس سے ملک کے لیے توانائی کی ضروریات پوری ہوں گی۔ پینے کے پانی کی ضروریات کے لیے بھی آبی ذِخائر کی اشد ضرورت ہے۔ پانی کا مسئلہ ہمارے لیے زندگی اور موت کا مسئلہ ہے اور اسے اولین ترجیح دے کر ہی حل کیا جائے گا۔ سفیر پاکستان احمد حسین ڈائیو نے سویڈن اور فن لینڈ میں مقیم پاکستانیوں سے اپیل کی کہ وہ اس کار ِخیر اور قومی تعمیر کے کام میں بھرپور حصہ لیں۔ انہوں نے کہا سویڈن میں پاکستانی سفارت خانہ اس سلسلہ میں متحرک ہے اور سفارت خانہ کے منسٹر عرفان احمد کو اس سلسلہ میں رابطہ کار مقرر کیا گیا ہے۔ سفارت خانہ سویڈن میں پاکستانی کمیونٹی سے مل کر فنڈز اکٹھا کرنے کا پروگرام ترتیب دے رہا ہے۔ بیرون ملک مقیم پاکستانیوں نے ہر موقع پر اپنے وطن عزیز کے لیے دل کھول کر امداد دی ہے اور امید ہے کہ اس بار بھی وہی جذبہ نظر آئے گا۔

LINKS
http://epaper.dailyausaf.com/page?station_id=5&date=2018-07-11&page_id=55025

http://epaper.dailyausaf.com/popup.php?newssrc=issues/2018-07-11/55025/e203.gif

https://www.urduqasid.se/%D8%B3%D9%81%DB%8C%D8%B1-%D9%BE%D8%A7%DA%A9%D8%B3%D8%AA%D8%A7%D9%86-%D8%B3%D9%88%DB%8C%DA%88%D9%86-%DA%A9%DB%8C-%DA%88%DB%8C%D9%85%D9%88%DA%BA-%DA%A9%DB%8C-%D8%AA%D8%B9%D9%85%DB%8C%D8%B1%DA%A9%DB%8C/


11 Jul 2018

Afkare Taza: Urdu Columns and Articles (Urdu Edition)

This website was built using N.nu - try it yourself for free.(info & kontakt)