سویڈن ١٨ جون سے آغاز رمضان جبکہ عید ١٧ جولائی کو ہوگی

سویڈن میں ١٨ جون بروز جمعرات کو پہلا روزہ ہوگا جبکہ عید الفطر ١٧ جولائی بروزجمعہ المبارک کو ہوگی۔ اس سال رمضان کا آغاز ١٨ جون کو ہونے سے یہاں سال کے طویل ترین روزے ہوں گے اور دارالحکومت سٹاک ہوم میں روزے کا دورانیہ بیس گھنٹوں سے زائد ہوگا جبکہ سویڈن کا شمالی خطے میں چوبیس گھنٹے سورج مطلع پر موجود رہے گا۔ سویڈن ناروے اور فن لینڈ تینوں ممالک کا شمالی حصہ قطب شمالی میں ہونے کی وجہ سے جون اور جولائی میں وہاں دن اور رات کا تعین نہیں ہوسکتا اور آبزرویٹری نے سورج کے طلوع اور غروب کے اوقات ہی نہیں دیئے لیکن اس کے باوجود اس علاقہ میں رہنے والے کچھ مسلمان چوبیس گھنٹے کا روزہ رکھتے ہیں ۔ سویڈن، ناروے اور فن لینڈ کے دیگر حصوں میں رہنے والے مسلمان روایتی جذبہ سے رمضان کو گذارتے ہیں اور بہت سے بچے بھی روزہ داروں میں شامل ہوتے ہیں۔ ان دنوں تعلیمی اداروں میںبھی تعطیلات ہوتی ہے ۔ شمالی یورپ میں چونکہ موسم گرما بہت خوشگوار ہوتا ہے اس لیے طویل روزے رکھنا زیادہ دشوار نہیں ہوتا۔سویڈن میں عید الفطر ١٧ جولائی بروز جمعہ ہوگی۔ سٹاک ہوم میں پاکستانیوں کا عید کا سب بڑا اجتماع حسب سابق شیستا ریکٹ ہال میں ہوگا جہاں ١٧ جولائی کو نو بجے امام محمدمسلم عید کی نماز کی امامت کرائیں گے۔

6 Jun 2015

Comments powered by Disqus

Afkare Taza: Urdu Columns and Articles (Urdu Edition)

This website was built using N.nu - try it yourself for free.(info & kontakt)